ملح السیما

عارف إنت الملح، اللي من غير ما تحطه ع الأكل ما يبقالوش طعم، أساسي في كل الأكلات، حتى لو هو مش الأكلة، عشان كدا المصريين بـ يقولوا: "عيش وملح"، لـ إن أي أكل لازم يكون فيه ملح، وبـ يقولوا ع الشعوب إنهم "ملح الأرض". الفنانين دول محدش بـ يهتم بيهم تقريبا، اعمل سيرش على جوجل عن حد زي أنور وجدي مثلا، تلاقي طن من النتايج، إنما الناس اللي موجودين هنا في الكتاب، ممكن ما تلاقيش عنهم أي حاجة، أو مجرد سطرين، وبعضهم كل المكتوب عنه في ويكيبديا مثلا: "ممثل مصري"، بس. الفنانين دول بني آدمين، ليهم حياة ومشوار ودور. هـ نحاول هنا نقول عن كل منهم كلمتين..